İqtisadiyyat üzrə Nobel Mükafatının builki laureatları amerikalı alimlər Ben Bernanke, Duqlas Daymond və Filip Dibviqdir.

Bu barədə Nobel komitəsinin “Twitter” hesabında məlumat verilib.

Bildirilir ki, onlar “bankların iqtisadiyyatda, xüsusən də maliyyə böhranları zamanı rolu ilə bağlı araşdırmalara görə” iqtisadiyyat üzrə Nobel mükafatına layiq görülüblər.

Xatırladaq ki, oktyabrın 3-də Nobel mükafatının təqdimat mərasimi keçirilib. Artıq “Fiziologiya və ya tibb”, Fizika, Kimya və Ədəbiyyat üzrə Nobel Mükafatı laureatlarının adları açıqlanıb. Oktyabrın 7-də isə Nobel Sülh Mükafatının laureatları məlum olub.