"İsrailin ötən ilin oktyabrından bu yana keçirdiyi hərbi əməliyyatlar nəticəsində Qəzza zolağında 500-ə yaxın tibb işçisi həlak olub, yüzlərlə insan yaralanıb".
İqtisadiyyat.az xəbər verir ki, bu barədə İranın Əl-Aləm telekanalı Fələstin Səhiyyə Nazirliyinə istinadən məlumat yayıb.
İsrailin zərbələri Fələstin anklavında 130 təcili yardım maşını məhv edib. Agentliyin məlumatına görə, Qəzza zolağında tibbi infrastruktura hücumlar yerli sakinləri əsas səhiyyə xidmətlərindən məhrum edib, su təchizatı və kanalizasiya şəraitinin pis olması isə vaxtından əvvəl ölüm hallarının artmasına səbəb olub. Tibb müəssisələrinə və həkimlərə hücumlar 340-dan çox belə hadisənin qeydə alındığı İordan çayının qərb sahilində də baş verib.
Ötən ilin oktyabrından İsrailin hərbi əməliyyatları nəticəsində Qəzza zolağında ölənlərin sayı 39 790 nəfərə çatıb, 92 002 nəfər yaralanıb.
