Sloveniyanın BMT-dəki daimi nümayəndəsi, ölkəsi sentyabrda Təhlükəsizlik Şurasının (TŞ) sədri vəzifəsini icra edəcək Samuel Zboqar sentyabrda qurumun Ukrayna mövzularında yeni görüşlər keçirməsini gözləyir.
İqtisadiyyat.az xəbər verir ki, o bu barədə BMT Təhlükəsizlik Şurasına sədrliyin Sloveniyaya keçməsi münasibətilə baş tutan mətbuat konfransında deyib.
"Biz hazırıq və ölkələrin tələbi ilə Təhlükəsizlik Şurasının palatasında əlavə müzakirələr üçün cədvəldə kifayət qədər yer buraxmışıq. Ukrayna mövzusunda müzakirələri səbirsizliklə gözləyirik", - Zboqar qeyd edib.
Təhlükəsizlik Şurasının Ukrayna mövzuları üzrə iclaslarının ilkin proqramı hələ göstərilməyib.
