Konqo rəsmiləri çərşənbə axşamı bildiriblər ki, ən azı 129 nəfər paytaxt Kinşasadakı əsas həbsxanadan qaçmağa çalışarkən ölüb. 

İqtisadiyyat.az xəbər verir ki, bu barədə "CBS News" məlumat yayıb. 

Onların əksəriyyətinin izdiham nəticəsində öldüyü bildirilir.

Konqonun daxili işlər naziri Jakmin Şabani bildirib ki, ilkin hesablamalara görə, 24 məhbus Makale Mərkəzi Həbsxanasından qaçmağa cəhd edərkən "ehtiyat məqsədilə" açılan atəş nəticəsində öldürülüb.

O əlavə edib ki, hökumət qaçış zamanı təcavüzə məruz qalan qadınlar da daxil olmaqla 59 yaralıya qayğı göstərib.

"Amnesty İnternational" insan haqları təşkilatının məlumatına görə, Konqonun 1500 məhbus tutumu olan ən böyük həbsxanası olan Makaledə 12 mindən çox adam saxlanılır.