Onlayn kassa üzrə dövriyyələrdə ötən ilin yanvar-fevral ayları ilə müqayisədə 41,7 % artım müşahidə olunub.
Bu barədə iqtisadiyyat naziri Mikayıl Cabbarov şəxsi “Facebook” hesabında paylaşım edib.
Nazir qeyd edib ki, dövriyyələrin leqallaşması və təsərrüfat subyektlərinə onlayn nəzarət üçün innovativ alət olan yeni nəsil nəzarət-kassa aparatlarının tətbiqi nəticəsində qeyd olunan artım bu ilin iki ayı ərzində müşahidə olunub.
