Belarusda Rusiya və Ukrayna nümayəndə heyətləri arasında danışıqlara fasilə verilib.
Bu barədə Ukrayna Prezidentinin müşaviri Mixail Podolyak özünün tvitter səhifəsində yazıb.
O qeyd edib ki, hər iki tərəf öz hökumətlərinə məlumat verir. Danışıqlarda 3-cü raund başlayacaq.
***17:55
Ukrayna və Rusiyanın nümayəndə heyətləri arasında danışıqlar başa çatıb.
Bu barədə Ukraynanın “Seqodnya” nəşri məlumat yayıb.
Danışıqlarda hansısa nəticənin əldə edilib-edilmədiyi məlum deyil.
*** 17:23
Hazırda Ukrayna-Belarus sərhədində davam edən danışıqlarda Ukrayna tərəfinin Rusiyanın qarşısına qoyduğu əsas şərt açıqlanıb.
Bu barədə Ukrayna Prezidentinin ofis rəhbərinin müşaviri Aleksey Arestoviç məlumat verib.
O qeyd edib ki, danışıqlarda nümayəndə heyəti bütün Rusiya qoşunlarının o cümlədən Krım və Donbasdan da çıxarılmasını tələb edib.