Gənclər Fondu tərəfindən həyata keçirilən “İdeyanı Reallaşdır 2023” müsabiqəsinin qalibi Pərviz Səmədovun “Yaşıl Gələcək” adlı ekoloji layihəsi həyata keçirilib.
İqtisadiyyat.az xəbər verir ki, fondun maliyyə dəstəyi və "ASAN Könüllüləri" Təşkilatının təşkilatçılığı ilə "Yaşıl Gələcək" layihəsi ümumilikdə 9 gün olmaqla 20 gəncin iştirakı ilə təşkil olunub.
Layihə üçün müraciət edən 100-ə yaxın gənc arasından Ağcabədi, Bərdə, Ağdam, Zərdab və Beyləqan rayonlarında yaşayan 20 gənc seçilib. Layihənin açılışı zamanı iştirakçılar Ulu öndər Heydər Əliyevin büstünü və Heydər Əliyev mərkəzini ziyarət edib.
Layihənin “İnkişaf Proqramı” çərçivəsində iştirakçılar üçün 5 günlük təlim-tədris mərhələsi təşkil olunub və aşağıdakı tədbirlər keçirilib.
1) “Ətraf mühitin qorunması” mövzusunda görüş və Ağcabədi rayonu ərazisindən keçən Qarqar çayının sahilyanı ərazisində təmizlik aksiyası;
2) “Sahibsiz dostlarımızı qoruyaq” mövzusunda görüş və Ağcabədi regional “ASAN xidmət” mərkəzinin ətrafında və rayon ərazisində sahibsiz küçə heyvanları üçün yuvaların quraşdırılması, yemləmə aksiyası;
3) “Sağlam həyat tərzi və Sağlam qidalanma” mövzusunda Ağcabədi Olimpiya İdman Kompleksinin fitness-məşqçisi və Fizioterapevti tərəfindən iştirakçılara maarifləndirici məlumatlar verilib,suallar cavablandırılıb. Daha sonra iştirakçılar ilə birlikdə səhər idmanı
4) “Daha sağlam gələcək” başlığında 9 saylı regional Ekologiya və Təbii Sərvətlər İdarəsinin sektor müdiri ilə iştirakçıların görüşü. İştirakçıları maraqlandıran ekologiya mövzusundakı sualları cavablandırılıb.
5)” “Tullantılardan ev şəraitində səmərəli istifadə” devizi altında iştirakçılar ilə görüş. Görüşün ardınca iştirakçılar tullantılardan dekorativ əşyalar hazırlayıb. Layihə iştirakçılarının ekoloji standartlar barədə məlumat əldə etməsi,dünyagörüşün artırılması məqsədi ilə “Atena MMC”-yə ekskursiya təşkil olunub.
Növbəti olaraq layihə iştirakçılarının ekoloji şüurunu artırmaq,təbiətə və heyvanlara qayğıkeş yanaşmanı təşviq etmək,tarixi və mədəni biliklərə yiyələnmək məqsədi ilə “Qarabağ Atçılıq Kompeksi”nə ekskursiya və layihə iştirakçıları üçün ekoloji problemlərin həllinə yönəlmiş “EcoTech” adlı hakaton təşkil olunub.
25 nəfər gəncin iştirakı ilə Bərpa olunan enerji,Tullantılardan səmərəli istifadə,Su ehtiyatlarının qorunması,Hava keyfiyyəti,Təbii fəlakətlər mövzularında müzakirələr aparılıb. Hakaton Ağcabədi regional “ASAN xidmət” mərkəzinin, 9 saylı regional ETS İdarəsinin,Ağcabədi Peşə Məktəbinin rəhbərliyinin münsifliyi ilə baş tutub.
Layihənin yekununda isə iştirakçılar üçün bağlanış mərasimi təşkil olunub. Bağlanış mərasimində layihədə iştirak edən gənclər və səmərəli fəaliyyətə görə nümayəndələr təltif edilib.