Sumqayıtda qeydiyyatda olan narkotik istifadəçilərinin sayı açıqlanıb.
Bu barədə İqtisadiyyat.az-ın sorğusuna cavab olaraq Sumqayıt şəhər Narkoloji Dispanserdən məlumat verilib.
Qeyd olunub ki, Sumqayıt şəhərində rəsmi qeydiyyatda olan narkotik istifadəçilərinin sayı 3991 nəfərdir. Onlardan 123-ü qadındır. Hazırda müəssisədə qeydiyyatda olan narkoloji xəstələrin ümumi sayı 5526 nəfərdir.
Sumqayıt şəhər Narkoloji Dispanserində qeydiyyatda olan alkoqolizm xəstələrinin sayı isə 1535 nəfərdir. Onların 24-ü zərif cinsin nümayəndəsidir.
Bildirilib ki,narkoloji xəstələrin və narkotik istifadəçilərinin əksəriyyəti 20-45 yaş arasındadır.