Ləğv prosesində olan “Standard Insurance”  Sığorta Şirkətinin Ləgvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 (dörd) mənzil satışa çıxarılacaqdır. Hərrac “Xəzəryanı ixtisaslaşdırılmış Hərrac Mərkəzi” MMC tərəfindən 19 may 2021-ci il tarixdə saat  11:00-da Bakı şəhəri, Səbail rayonu Ə.Cavid küc.,ev 15 mən 1 ünvanda keçiriləcəkdir. Hərraca çıxarılan predmetin satış qiyməti: 1 900 000 (bir milyon doqquz yüz min)  manat, iştirak haqqının məbləği: 500 (beş yüz) manat, Behin məbləği: 19 000 (on doqquz min) manatdır.

Hərrac predmetinin ətraflı təsviri aşağıdakı cədvəldə öz əksini tapıb:

 ASC “Standard Insurance”  Sığorta Şirkətinin Ləgvetmə komissiyası bildirilir ki, 19 may 2021-ci il tarixində keçirilməsi nəzərdə tutulan hərrac satışı sayca ikincidir.  Birinci hərrac satışı 23 aprel 2021-ci il tarixində keçirilmiş, müvafiq sayda iştirakçı olmadığı üçün baş tutmamış hesab olmuşdur.  Bu səbəbdən  hərrac qaydalarına uyğun olaraq  satışa çıxarılan əmlakın qiymətində (2 000 000 –iki milyon manat ) 5% endirim  edilmiş qiymət  1 900 000 (bir milyon doqquz yüz min)  manat olmuşdur.

Hərracla bağlı daha ətraflı məlumatları isə aşağıdakı linkdən  əldə etmək münkündür:

//tap.az/elanlar/dasinmaz-emlak/obyektler-ve-ofisler/25336904

Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə  satışının təşkili davam edəcəkdir  və bu barədə ictimaiyyətə əvvəlcədən məlumat veriləcəkdir.