"2023-cü ilin oktyabr ayından Fələstin anklavında hərbi əməliyyatlar aparan İsrail qüvvələrinin Qəzza zolağında keçirdiyi əməliyyatlar nəticəsində son 24 saat ərzində 25 fələstinli ölüb, 72 nəfər yaralanıb".
İqtisadiyyat.az xəbər verir ki, bu barədə anklavın Səhiyyə Nazirliyi öz "Telegram" kanalında məlumat yayıb.
"Son 24 saat ərzində İsrail ordusu Qəzza zolağında iki hücum həyata keçirib, nəticədə 25 nəfər ölüb, daha 72 nəfər yaralanıb, ölənlərin cəsədləri və yaralılar ölkənin tibb müəssisələrinə çatdırılıb", - məlumatda qeyd edilib.
Departament aydınlaşdırıb ki, İsrailin Qəzzada bu günə qədər keçirdiyi hərbi əməliyyatlar nəticəsində ölənlərin ümumi sayı 40 099 nəfərə çatıb, 92 609 fələstinli isə yaralanıb.