Azərbaycan BRİCS-ə qoşulmaq istəyir.
İqtisadiyyat.az xəbər verir ki, bunu Azərbaycanın Moskvadakı səfiri Polad Bülbüloğlu Rusiya Prezidenti Vladimir Putinin Bakıya səfəri ərəfəsində TASS-a müsahibəsində deyib.
“BRİCS-ə qoşulmaq istəyənlər çoxdur, həqiqətən də, biz bu barədə rusiyalı həmkarlarımızla danışmışıq, lakin bu, həm də bir prosesdir", - Polad Bülbüloğlu müvafiq sualını cavablandırıb.
Bakı rəsmi olaraq assosiasiyaya üzv olmaq üçün ərizə verib.
BRİCS 2006-cı ildə Braziliya, Rusiya, Hindistan və Çin tərəfindən yaradılıb və Cənubi Afrika 2011-ci ildə təşkilata qoşulub. 1 yanvar 2024-cü ildə Misir, İran, Birləşmiş Ərəb Əmirlikləri, Səudiyyə Ərəbistanı və Efiopiya qrupun tamhüquqlu üzvləri olub. Bu il assosiasiyaya Rusiya sədrlik edir.