Küveytin paytaxtında elektrik stansiyalarına yanacaq verilməsində bir gün əvvəl qeydə alınan fasilələr səbəbindən elektrik enerjisində kəsilmələr olub.
İqtisadiyat.az xəbər verir ki, bu barədə KUNA agentliyi məlumat yayıb.
Məlumata görə, Küveytin Elektrik, Su və Bərpa Olunan Enerji Nazirliyi bildirib ki, Subiyah və Qərbi Dohada kəsinti elektrik stansiyalarında bir neçə generasiya qurğusunun, eləcə də duzsuzlaşdırma stansiyalarının dayanmasına səbəb olub.
Nəşr əlavə edib ki, ölkənin enerji sisteminin dayanıqlığını qorumaq üçün elektrik enerjisinin verilməsini məhdudlaşdırmaq lazımdır.
Bundan əvvəl Livanda elektrik enerjisinin istehsalı, ötürülməsi və paylanmasının 90%-nə nəzarət edən “Électricité du Liban” enerji şirkəti ölkə daxilində elektrik enerjisinin verilişinin dayandırıldığını bildirmişdi.
Şirkətdən verilən məlumata görə, hazırda ölkənin bütün əsas infrastruktur obyektləri, o cümlədən beynəlxalq hava limanı və dəniz limanı işıqsız qalıb. “Électricité du Liban” alınacaq yanacağın miqdarına uyğun olaraq elektrik stansiyalarını yenidən işə salmağa və istehlakçılara elektrik enerjisini bərpa etməyə söz verib.