Ümumdünya Səhiyyə Təşkilatı (ÜST) Qəzza zolağında münaqişə tərəflərini poliomielit peyvəndinin planlaşdırıldığı vaxtda hərbi əməliyyatları dayandırmağa çağırıb.
İqtisadiyyat.az xəbər verir ki, bu barədə ÜST-nin işğal olunmuş Fələstin ərazilərindəki nümayəndəsi Riçard Piperkorn Cenevrədə keçirdiyi brifinqdə xəbərdarlıq edib.
"Humanitar fasilələr olmasa, peyvəndləmə işlərini həyata keçirmək mümkün deyil", - Piperkorn deyib.
Onun sözlərinə görə, Qəzza zolağında iki mərhələli peyvənd kampaniyası sentyabrın 1-də başlamalıdır. Kampaniya zamanı müəyyən bölgələrdə humanitar fasilələrə qabaqcadan öhdəliyi alqışlayan Pieperkorn əlavə edib: "Poliomielit xəstəliyinin yayılmasının qarşısını almaq üçün hər bir mərhələdə ən azı 90 faiz peyvənd əhatəsinə ehtiyac var. ÜST bütün tərəfləri uşaqların və ailələrin sağlamlıq obyektlərinə təhlükəsiz girişinə imkan yaratmaq üçün hərbi əməliyyatları dayandırmağa çağırır".
Piperkorna görə, humanitar fasilələr olmadan kampaniya mümkün olmayacaq.