İstanbulda xəstəxananın təcili yardım şöbəsinə silahlı hücum olub, 5 nəfər yaralanıb.
İqtisadiyyat.az xəbər verir ki, bu barədə “TRT Haber” telekanalı məlumat yayıb.
“Bahçelievler rayonundakı xəstəxananın təcili yardım şöbəsinə şəxsiyyəti hələlik məlum olmayan şəxs və ya şəxslərin silahlı hücumu nəticəsində 5 nəfər yaralanıb”, - məlumatd abildirilib.
Telekanalın məlumatına görə, hücum nəticəsində xəstəxana binasına və təcili yardım maşınına ziyan dəyib.
Qeyd olunub ki, zərərçəkənlər arasında polis, jandarm və özəl təhlükəsizlik işçisi, eləcə də iki mülki şəxs var və onların həyatı təhlükədə deyil.
Hücumda istifadə edilən avtomobil daha sonra tərk edilmiş vəziyyətdə tapılıb.
Sadiq Cavadov