Avrozonada işsizlik səviyyəsi iyunda 6,5%-dən iyulda 6,4%-ə düşüb.
İqtisadiyyat.az xəbər verir ki, bu barədə Avropa İttifaqının statistika idarəsi (Eurostat) məlumat yayıb.
Məlumata görə, bölgədə işsizlərin sayı ötən ay iyun ayı ilə müqayisədə 114 min nəfər azalaraq 10 milyon 990 min nəfər olub.
Bildirilib ki, gənclər arasında işsizlik (25 yaşa qədər olan əhali) 14,4%-dən 14,2%-ə düşüb.
Qeyd olunub ki, Avrozonanın ən böyük ölkələri arasında ən aşağı işsizlik səviyyəsi Almaniyada (3,4%), ən yüksək göstərici isə İspaniyada (11,5%) qeydə alınıb. Fransada işsizlik iyulda 7,5% təşkil edib, İtaliyada isə 6,9%-dən 6,5%-ə düşüb.
Bütövlükdə Avropa İttifaqında işsizlik ötən ay dəyişməyərək 6% olub.
Sadiq Cavadov