Rusiyanın Ukraynada hərbi əməliyyatına başlamasından sonra Avropa İttifaqı (Aİ) ölkələri müdafiə xərclərini 200 milyard avrodan 300 milyard avroya qədər artırıb.
İqtisadiyyat.az xarici mediaya istinadən xəbər verir ki, bu barədə Avropa Komissiyasının (AK) prezidenti Ursula fon der Lyayen bildirib.
"Biz artıq müharibənin başlanmasından bəri görünməmiş irəliləyiş əldə etmişik. Üzv dövlətlər müharibədən əvvəlki 200 milyard avrodan bir qədər çox olan müdafiə xərclərini bu il təxminən 300 milyard avroya qədər artırıblar", - o deyib.
"İstehsal xətlərini yenidən işə saldıq. Amma bu kifayət deyil. Reallıq budur ki, avropalılar mövcud təhlükəsizlik təhdidlərini ciddi qəbul etsələr belə, strukturun yenidən qurulması üçün vaxt və böyük investisiyalar lazımdır”, - o əlavə edib.
Sadiq Cavadov