Fransa Prezidenti Emmanuel Makron Telegram-ın həmtəsisçisi Pavel Durovun Parisə gəlmək planlarından xəbərsiz olub.
İqtisadiyyat.az xəbər verir ki, bunu Makron özü bildirib.
"Mən cənab Durovun Fransaya gəlişindən xəbərsiz idim", - Makron Belqradda serb həmkarı Aleksandr Vuçiç ilə birgə mətbuat konfransında deyib.
Fransa prezidenti əlavə edib ki, Durovla görüşmək niyyətində deyil.
"Mənim tərəfimdən hansısa dəvətin olması barədə məlumat yalandır, mən nə keçən həftənin sonunda, nə də yaxın günlərdə cənab Durovla görüşmək niyyətində deyildim", - Makron vurğulayıb.