Yaz aylarında bir ton üçün rekord həddə - 12 min dollara yüksələn kakao qiymətlərinin bu il kəskin ucuzlaşacağı ehtimalı yoxdur.

İqtisadiyyat.az xəbər verir ki, bu barədə “Bloomberg” məlumat yayıb.

Məlumata görə, hava şəraiti daha əlverişli olacaq ki, bu da dünya üzrə kakao lobya istehsalının təxminən 10% artmasına gətirib çıxaracaq.

Analitiklərinin fikrincə, kakao fyuçerslərinin qiyməti bir ton üçün 11 min dollardan 7 min dollara düşə bilər, halbuki son on ildə onların orta qiyməti 2 min dollardan az idi.

Məlumatda kakao qiymətlərini nisbətən yüksək səviyyədə saxlayacaq səbəb kimi bu məhsulu ixrac edən ölkələrin hakimiyyət orqanlarının onun istehsalına xarici investisiyaların cəlb edilməsinə mane olan siyasəti göstərilir. Bu ölkələrə ilk növbədə Qana və Fil Dişi Sahili Respublikası daxildir. Kakao bazarının digər əsas oyunçuları arasında son qiymət artımlarından faydalanan Kamerun və Nigeriya da əvvəlki qiymət trendinin davam edəcəyinə ümid etməklə istehsalın artacağını gözləyir.

2023-2024-cü kənd təsərrüfatı ilində kakao paxlası istehsalının əvvəlki illə müqayisədə 11% (4,45 milyon tona qədər) azalacağı gözlənilir. Dünya bazarında kakao paxlasının qıtlığı qiymətlərin kəskin bahalaşmasına səbəb olub, pik nöqtəsi aprelin ikinci yarısına təsadüf edib. Daha sonra bir ton kakao paxlasının mübadilə qiyməti 12 min dollara yaxınlaşdı. Sonra tələbin azalması səbəbindən qiymətlər zəifləməyə başladı. İyulun 5-də dünya əmtəə birjalarında bir ton kakao 7,8 min dollara təklif olunub.

Sadiq Cavadov