BMT-nin baş katibi Antonio Quterreş Çin-Afrika Əməkdaşlıq Forumu (FOCAC) sammitində iştirak etmək üçün sentyabrın əvvəlində Pekinə səfər edəcək.
İqtisadiyyat.az xəbər verir ki, bu barədə dünya təşkilatının rəhbərinin sözçünün müavini Fərhan Haq brifinqdə məlumat verib.
"Quterreş sentyabrın 2-dən 5-dək Çinə səfər edəcək. O, Pekində keçiriləcək Çin-Afrika Əməkdaşlıq Forumunda iştirak edəcək", - Haq bildirib.
Çin-Afrika Əməkdaşlıq Forumu 4-6 sentyabrda keçiriləcək. Tədbirin mövzusu modernləşməni təşviq etmək və ortaq gələcəklə yüksək səviyyəli Çin-Afrika icması yaratmaq üçün səyləri birləşdirməkdir.