Baş Prokurorluqda daha bir təyinat olub.
Bununla bağlı Baş prokuror Kamran Əliyev əmr imzalayıb.
Baş Prokurorun əmrinə əsasən, Ocaqverdiyev Əmir İlham oğlu Baş Prokurorluğun Elm-Tədris Mərkəzinin Strateji planlaşdırma və riskin müəyyən edilməsi şöbəsinə rəis təyin edilib.
Xatırladaq ki, Ə.Ocaqverdiyev bu təyinata qədər Beynəlxalq hüquqi əməkdaşlıq idarəsinin rəis müavini vəzifəsində çalışıb.
Məlumatı oxu.az-a Baş Prokurorluğun mətbuat xidmətindən təsdiq ediblər.
Qeyd edək ki, Baş Prokuror Kamran Əliyev bundan öncə təyinatla bağlı daha dörd əmr imzalayıb.