Google-un süni intellekt bölməsi olan Google DeepMind-in ən azı 200 əməkdaşı hərbi təşkilatlarla əməkdaşlığa son qoymağa çağıran məktub imzalayıb.
İqtisadiyyat.az xəbər verir ki, bu barədə "Time" jurnalı sənədin surətinə istinadən məlumat yayıb.
Məktub şirkətin texnologiyasının döyüşdə iştirak edən hərbi personala satıldığına dair artan narahatlıqlar fonunda yazılıb və işçilərin fikrincə, şirkətin süni intellekt siyasətini pozur.
Jurnal bu məktubun Google daxilində heç vaxt hərbi texnologiya üzərində işləməyəcəyini bildirən bəzi süni intellekt bölməsi ilə bir çox hökumət və orduya xidmət göstərmək üçün müqavilə bağlayan şirkətin bulud biznesi arasında artan münaqişənin əlaməti olaraq ortaya çıxıb. Hərbi əməkdaşlıq barədə müqavilə imzalanan ölkələrə isə İsrail və ABŞ daxildir.
Məktubda həmçinin İsrail ordusunun Qəzzada kütləvi müşahidə və bombardmanlar üçün süni intellektdən istifadə etdiyi və İsrail silah şirkətlərinin hökumət tərəfindən Google və Amazon-dan bulud xidmətləri almağı tələb etdiyinə dair materiallara istinad edilir.