Çinin əsas texnologiya şirkətləri infrastruktura və süni intellekt (AI) texnologiyalarının inkişafına xərcləri iki dəfə artırıb.

İqtisadiyyat.az xəbər verir ki, bu barədə “Financial Times” məlumat yayıb.

Nəşrin məlumatına görə, ilin birinci yarısında “Alibaba”, “Tencent” və “Baidu”nun birgə kapital xərcləri 2023-cü ilin eyni dövründəki 23 milyard yuan (3,23 milyard dollar) ilə müqayisədə 50 milyard yuan (7 milyard dollar) təşkil edib.

Nəşr qeyd edir ki, texnologiya qruplarının nümayəndələrinin fikrincə, əsas diqqət süni intellekt üçün böyük dil modellərinin hazırlanması ilə bağlı prosessorların və infrastrukturun alınmasına yönəldilib.

 

Sadiq Cavadov