Meta-nın ani mesajlaşma proqramı WhatsApp son zamanlar bir çox funksiya üzərində işləyir. Onlardan biri də "Birgə Hesab"dır. Bu funksiya ilə indi bir neçə cihazla tək hesaba qoşula biləcəyik.

İqtisadiyyat.az xəbər verir ki,  “WhatsApp”ın yeni funksiyası 4 fərqli cihazın sinxron olaraq bir hesaba qoşulmasına imkan verir. Təbii ki, o, hələ sınaq mərhələsindədir və yalnız tester qrupunda olan Android istifadəçilərinə təklif olunur. Bu funksiyanın bütün WhatsApp istifadəçiləri üçün nə vaxt əlçatan olacağı hələlik məlum deyil. Lakin proqnozlar bunun növbəti ay gözlənilən olduğu barədə xəbər verir.

Birgə Hesab funksiyasının aktiv olub-olmadığını WhatsApp qeydiyyat bölməsində yoxlaya bilərsiniz. Bunun üçün proqramı telefonunuzdan silməlisiniz (mesajlarınızın ehtiyat nüsxəsini çıxarmağı unutmayın). İkinci telefondan hesaba daxil olmaq üçün qeydiyyat bölməsinin yuxarı sağ küncündə yerləşən üç nöqtəli işarəni sıxmalı və sonra “Cihaza qoşul” seçiminə klik etməlisiniz. Bu seçimi görmürsünüzsə, siz sınaqçı deyilsiniz.

Məhəbbət Məmmədov