Övladı ağır xəstəlikdən əziyyət çəkən ana imkanlı şəxslərdən yardım istəyib.
Elmira İsmayılova İqtisadiyyat.az-a müraciət edərək övladı 13 yaşlı Kamillanın bir neçə xəstəlikdən əziyyət çəkdiyini söyləyib.
O bildirib ki, yeniyetmə qızı həm qadın xəstəlikləri, həm böyrək, həm də qaraciyər xəstəlikləri ilə üzləşib.
"Demək olar ki, övladım doğulan gündən müalicələr etdiririk. Hər dəfə həkimə gedəndə onun yeni bir xəstəliyini öyrənirik. Bir neçə il əvvəl o, gözündən ağır əməliyyat keçirib. Hazırda isə böyrəklərində və yumurtalıqlarında problemlər var. Həkimlər müalicə olarsa, onun yumurtalıqlarını xilas edə biləcəklərini, əks halda onu götürməli olduqlarını deyiblər".
Övladını təkbaşına böyüdən ana söyləyib:
"Həyat yoldaşımla illərdir ayrılmışıq, nə aliment verir, nə maddi dəstək olur. Öz gücümlə Kamillanı bu günə qədər böyütmüşəm. Hazırda qızım təcili şəkildə müayinə və müalicə olunmalıdır. Yardımsevər şəxslərdən bizə dəstək olmaqlarını xahiş edirəm. İlkin mərhələdə bizə hazırkı müayinə və müalicə prosedurlarını həyata keçirmək üçün 3 min manat lazımdır".
Ailə ilə əlaqə: 055 706 05 21
Leo Bank: 5411 2498 0319 7784