Dünyada şəkərin qiyməti son iki ilin ən aşağı səviyyələrinə düşüb.
İqtisadiyyat.az bu barədə "Bloomberg"ə istinadən xəbər verir.
Belə ki, Nyu York birjasında şəkərin qiymət indeksi 2,8% azalaraq 17,52 sentə düşüb ki, bu da 2022-ci ilin oktyabrından bəri ən aşağı səviyyədir. Şəkərin ucuzlaşmasına səbəb ən çox şəkərin yetişdirildiyi Braziliyadan tədarüklə bağlı təxminlər olub.
Braziliyada şəkər qamışının yüksək nisbətdə əzilməsi tədarük proqnozlarını artırdığı üçün fyuçerslər bu ay təxminən 7% ucuzlaşıb.
Gözəl Həşimova