Türkiyədə illik inflyasiya altı aydır azalmaqda davam edir.
İqtisadiyyat.azTürkiyə Statistika Təşkilatına (TÜİK) istinadən xəbər verir ki, aprel ayında inflyasiya 43.68%-ə kimi azalıb. Ötən ay bu rəqəm 50,51% təşkil etmişdi.
Qeyd edək ki, aprel ayında istehlak qiymətləri indeksi əvvəlki aya görə 2,39%, 2022-ci ilin dekabr ayına görə isə 15.21% təşkil edib.
Xatırladaq ki, Türkiyədə inflyasiya ötən ilin oktyabrında son 24 ilin ən yüksək səviyyəsinə - 85,5%-ə çatmışdı, ötən ilin sonundan etibarən isə tədricən azalmağa başlayıb.
