Sifarişlərin əhəmiyyətli dərəcədə çoxalması və geosiyasi gərginliyin artması fonunda dünyanın ən böyük müdafiə və aerokosmik korporasiyalarının gəlirləri 2026-cı ilə qədər rekord həddə çatacaq.
İqtisadiyyat.az xəbər verir ki, bu barədə "Vertical Research Partners" maliyyə tədqiqat şirkətinin ekspertləri bildirib.
Analitiklər qeyd edirlər ki, müdafiə sənayesi gəlirlərinin kəskin artmasının səbəbləri Ukraynada davam edən münaqişə, eləcə də Yaxın Şərqdə vəziyyətin pisləşməsi olub.
Bildirilib ki, dünyanın 15 ən böyük müdafiə podratçısı 2026-cı ildə 52 milyard dollar qazanacaq ki, bu da 2021-ci illə müqayisədə 2 dəfə çoxdur.
Həmçinin, 2026-cı ilin sonuna qədər ABŞ-nin beş ən böyük müdafiə podratçısı şirkətinin mənfəətinin 26 milyard dollara çatacağı gözlənilir.
Gözəl Həşimova