Amerikanın qrafik prosessorları istehsalçısı "Nvidia Corp" ikinci maliyyə rübündə xalis gəlir və mənfəətini artırıb.
İqtisadiyyat.az xəbər verir ki, bu barədə şirkət məlumat yayıb.
Hesabat dövründə şirkətin xalis mənfəəti 16,6 milyard dollar və ya hər bir səhm üçün 0,67 dollar olub. Halbuki, əvvəlki dövrdə bu göstərici 6,19 milyard dollar və ya hər səhm üçün 0,25 dollar təşkil edib. Bu dövrdə "Nvidia"nın gəliri isə 26,27 milyard dollara çatıb.
Bildirilib ki, şirkət sürətlə böyüyür, lakin artım tempi dörd rübdür ki, yavaşlayır.
"Nvidia" ümumi marjasını isə 71,2%-dən 75,1%-ə yüksəldib.
Gözəl Həşimova