"Eyol" karqo şirkətinin bağlanma səbəbi məlum olub.
İqtisadiyyat.az xəbər verir ki, "Eyol"un direktor müavini Rəşad Məmmədov metbuat.az-a açıqlamasında şirkətin bağlandığı faktını təsdiqləyib.
O, şirkətin bir aya yaxındır bağlandığını bildirib.
Direktor müavini söyləyib ki, şirkətin bağlanmasına səbəb maliyyə problemləri olub.
Qeyd edək ki, "Eyol" karqo şirkətinin fəaliyyətini dayandırdığı barədə məlumatı ilk olaraq iqtisadiyyat.az yayıb.
Xatırladaq ki, "Eyol" Məhdud Məsuliyyətli Cəmiyyəti 2021-ci ilin aprelində dövlət qeydiyyatına alınıb. Şirkətin qanuni təmsilçisi və direktoru Yusifli Tuqay Vüqar oğludur.