Qazaxıstan Türkmənistanla sərhəd rejiminə dair sazişi ratifikasiya edib.
İqtisadiyyat.az Qazaxıstan Prezident Aparatı (Ak Orda) mətbuat xidmətinə istinadən xəbər verir ki, müvafiq fərmanı Prezident Kasım-Jomart Tokayev imzalayıb.
Məlumatda deyilir ki, Tokayev “Qazaxıstan Respublikası Hökuməti ilə Türkmənistan Hökuməti arasında Qazaxıstan-Türkmənistan dövlət sərhədinin rejimi haqqında Sazişin təsdiq edilməsi haqqında” Qazaxıstan Respublikasının Qanununu imzalayıb.
Qeyd edək ki, haqqında sözügedən Saziş 2021-ci ildə imzalanıb və iki ölkə arasındakı münasibətləri bir neçə istiqamətdə tənzimləyir.
Sənəddə insanların, avtomobillərin və yüklərin sərhəddən keçirilməsi, dövlət sərhədi üzərindən uçuşlar və s. məsələlər öz əksini tapıb.
