İranın “Iran Khodro Company” (IKCO) şirkətinin Azərbaycanda istehsal edəcəyi 'Dena” markalı avtomobillərin Ukraynaya ixrac edilməsi planlaşdırılır.

“Report” Ukrayna mətbuatına istinadən xəbər verir ki, bu barədə ölkənin Avtomobil İstehsalçıları Assosiasiyası məlumat yayıb.

Məlumatda deyilir ki, İran şirkəti yenidən Ukrayna bazarına çıxır və istehsalı olan “Dena” modellərini bu ölkəyə aparmağı planlaşdırır.

İlk öncə Ukraynaya həmin modellərdən az sayda göndəriləcək və istehlakçıların reaksiyası yoxlanılacaq.

İqtisadiyyat.az