Avropanın yeraltı qaz anbarlarında toplanmış mavi yanacaq ehtiyatlarının həcmi 94,4 faizi ötüb, lakin 2019-cu ilin rekord göstəricisindən (95,7 faiz) geri qalır.

İqtisadiyyat.az xarici mediaya istinadən xəbər verir ki, "Gas Infrastructure Europe" assosiasiyasının məlumatına görə, sentyabr ayında Avropa İttifaqı ölkələrində anbarlarına qaz doldurulması kəskin azalaraq 2011-ci ilin minimumuna enib.

Məlumata görə, oktyabrın 5-də anbarlara qaz doldurulması 117 milyon kubmetr, qaz götürülməsi isə 51 milyon kubmetr təşkil edib.

Hazırda Avropanın yeraltı anbarlarında 104,76 milyard kubmetr (94,42 faiz) qaz var ki, bu da son beş ilin analoji dövrünün orta göstəricisindən 3,4 faiz çoxdur.

Sentyabrda Avropada qazın orta alış qiyməti 1 min kubmetr üçün 416 dollar təşkil edib. 

 

Sadiq Cavadov