İran Prezidenti Həsən Ruhani, dövlət televiziyasında etdiyi çıxışında kriptovalyuta mədənçiliyinin (mayninq) 22 Sentyabra qədər qadağan ediləcəyini söyləyib.
"Cambridge" Alternativ Maliyyə Mərkəzinin məlumatlarına görə, İran dünyada ən çox kriptovalyuta mədənçiliyinin aparıldığı altıncı ölkədir və qlobal mayninqdəki payı 3,82%-dir.
Qlobal kriptovalyuta mayninqinin 65%-ini reallaşdıran Çin də keçən həftə maliyyə risklərini azaltmaq üçün kriptovalyuta mədənçiliyini qadağan etdiyini açıqlamışdı.