"Həm inkişaf etmiş, həm də inkişaf etməkdə olan bazar iqtisadiyyatlarında mərkəzi banklar üçün ən böyük və ən aktual problem inflyasiyanın azaldılmasıdır."
İqtisadiyyat.az xəbər verir ki,bu barədə BVF direktoru Georgieva bildirib.
Beynəlxalq Valyuta Fondunun (BVF) direktoru Kristalina Georgiyeva bəyan edib ki, həm inkişaf etmiş, həm də inkişaf etməkdə olan bazar iqtisadiyyatlarında mərkəzi banklar üçün ən böyük və təcili problem inflyasiyanın azaldılmasıdır.
Qlobal iqtisadiyyatın bir-birinin ardınca sarsıntılar yaşadığını bildirən Georgieva, Ukrayna böhranının təsirlərinin və davam edən epidemiyanın qlobal iqtisadi mənzərəyə böyük təzyiq göstərdiyini bildirib.
Kristalina Georgieva bəyan edib ki, ərzaq və enerji qiymətlərinin artması, tədarük zəncirində davamlı fasilələr və artan borc zəifliyi ilə inflyasiya son onilliklərin ən yüksək səviyyəsinə çatıb:
"Mərkəzi banklar qiymət sabitliyini təmin etmək üçün pul siyasətini sərtləşdiriblər, lakin monetar sərtləşdirmə dövrünün idarə edilməsində çətinliklər qalmaqdadır. Fiskal siyasət qurucuları inflyasiyaya təkan verən və ya pul siyasətinə mane olan addımlardan qaçmaqla yanaşı, ərzaq və yanacaq qiymətlərinin artımını azaltmaq üçün məqsədyönlü tədbirlər görməlidir."
