Yeni tədris ilinin başlamasına az bir vaxt qalıb. Uşaqlar 3 aylıq tətildən sonra məktəbə, valideynlər isə məktəb üçün alış-verişə hazırlaşırlar. Elə buna görə də bazarlarda canlanma müşahidə edilir.
İqtisadiyyat.az “Xəzər Xəbər”ə istinadən xəbər verir ki, məktəbli ləvazimatlarının qiyməti keyfiyyətinə və istehsal ölkəsinə görə dəyişir.
Satıcılar bildirirlər ki, ötən illə müqayisədə bu il bəzi məhsulların qiymətində artım müşahidə olunur. Onların sözlərinə görə, bahalaşan məhsullar arasında çantalar da var.
Şagirdlər üçün lazım olan əsas vəsaitlərdən biri də dəftərlərdir ki, bu məhsulların qiymətində də 20 faizə qədər qiymət dəyişikliyi olub.
Alıcılar isə bildirirlər ki, aşağı siniflərdə oxuyan şagirdlərə lazım olan ləvazimatların qiyməti yuxarı siniflərlə müqayisədə daha bahadır. Bəzi digər xırda məktəbli ləvazimatlarının da qiymətlərində cüzi artım var.
Ətraflı videomaterialda: