Kəlbəcər şəhərindən İstisuya elektrik xətti yenilənəcək.
İqtisadiyyat.az xəbər verir ki, bununla bağlı "Azərişıq" ASC müvafiq işlərə başlayıb.
Belə ki, 110/35/10 kV-luq "Qamışlı yarımstansiyasından çıxan 110 kV-luq mövcud hava xəttinin Kəlbəcər şəhəri ərazisindən İstisuya qədər olan hissəsinin 110 kV-luq iki dövrəli hava xətti ilə yenidənqurulması işləri həyata keçiriləcək.
"Azərişıq" sözügedən işlərin reallaşdırılmasını "Smart Energy Services" şirkətinə həvalə edib.
Şirkətlə ASC arasında bununla bağlı 16.2 milyon manatlıq müqavilə bağlanacaq.