Yaponiyanın "Böyük Üçlük" avtomobil istehsalçıları hesab olunan “Toyota”, “Honda” və “Nissan” "Şanşan" tayfunu səbəbindən ölkədəki ayrı-ayrı zavodlarda istehsalı müvəqqəti dayandırır.

İqtisadiyyat.az xarici mediaya istinadən xəbər verir ki, ölkədəki tayfun səbəbindən “Toyota Motor” 14 zavodunda, “Honda Motor” Kumamoto prefekturasındakı zavodunda, “Nissan Motor” isə cənubdakı Kyuşu adasındakı zavodlarında ən azı cümə günü günortaya qədər istehsalı dayandırmaq qərarına gəlib.

Məlumata görə, tayfun cümə axşamı Kyuşuya çatıb və özü ilə leysan gətirib. Yaponiya aviaşirkətləri cümə axşamı günü ümumilikdə 500-ə yaxın daxili reysi və cümə gününə planlaşdırılan 50-yə yaxın reysi ləğv edərək Kyuşu və cənubdakı Amami adası arasında uçuşları dayandırıb.

Meteoroloqlar sürüşmə təhlükəsi və bəzi ərazilərdə çayların daşması barədə əhaliyə xəbərdarlıq edib.

 

Sadiq Cavadov