İl ərzində manatın məzənnəsi ticarət tərəfdaşı olan ölkələrin valyutalarına qarşı fərqli istiqamətlərdə dəyişib.
Bu barədə Azərbaycan Respublikası Mərkəzi Bankının 2021-ci il üzrə “Pul Siyasəti İcmalı”ında məlumat verilib.
Belə ki, manat avroya, Türkiyə lirəsinə, Rusiya rubluna, funt-sterlinqə və Yaponiya yeninə qarşı bahalaşıb, İsveçrə frankına, Ukrayna qrivnasına və Gürcüstan larisinə qarşı ucuzlaşıb.
İkitərəfli məzənnələrin dinamikası çoxtərəfli məzənnənin dinamikasına da təsir göstərib. Ümumilikdə, il ərzində manatın qeyri-neft ümumi ticarət çəkili nominal effektiv məzənnəsi 12,1 faiz, real effektiv məzənnəsi isə 12,4 faiz bahalaşıb.
Effektiv məzənnə indeksləri, illik dəyişmə:
Qeyd edək ki, 2014-cü ilin sonu ilə müqayisədə REM (real effektiv məzənnə) 22,4 faiz ucuzlaşıb.