Kim nə dedi? - Günün SİTATLARI
Hər gün olduğu kimi bu gün də ölkədə və dünyada baş verən hadisələrlə bağlı müxtəlif ictimai-siyasi xadimlərin önəmli açıqlamaları oldu.
İqtisadiyyat.az tanınmış şəxslərin bu günə olan sitatlarını bir araya gətirərək sizə təqdim edir. Beləliklə, kim nə dedi?
Ekologiya və Təbii Sərvətlər naziri Muxtar Babayev: "Söyüdlü kəndində vəziyyət çox ciddi formada araşdırılacaq".
Baş prokuror Kamran Əliyev: "Laçın şəhəri Azərbaycana təhvil verilərkən Ermənistanın aidiyyəti dövlət orqanlarının tapşırığı və xüsusi dəstəyi ilə evlər yararsız vəziyyətə salınıb".
Britaniyanın Azərbaycandakı səfiri Ferqus Ould: "Ukraynaya verdiyi dəstəyə görə Azərbaycana təşəkkür edirik".
Energetika naziri Pərviz Şahbazov: "Britaniya Azərbaycanda 34 milyard sərmayə ilə ən böyük xarici investordur".
Deputat Əli Məsimli: "Satınalmalarda şişirdilmiş qiymətlərin olması bütün dünyada var. Amma Azərbaycanda bu, bir az da insafsız formadadır”.
Elm və Təhsil naziri Emin Əmrullayev: “Hədəf ali məktəblərə qəbul olanların sayını artırmaqdır”.
Elm və Təhsil nazirinin müavini Həsən Həsənli: "Pandemiyadan öncə 33 uşağa bir kompüter düşürdüsə, indi bu rəqəm 17-dir. Bu isə onu göstərir ki, təhsil sistemimiz ümumilikdə bu çətinlikdən üzüağ çıxmağı bacardı".
Türkiyə Böyük Millət Məclisinin (TBMM) sədri Numan Kurtulmuş: “Türkiyəni gələcək əsrə daşıyacaq bir konstitusiyaya ehtiyac var".
Ukrayna prezidenti Volodimir Zelenski: “Müharibə bu il bitərsə və sülh olarsa, 2024-cü ildə Ukraynada seçkilər keçiriləcək”.
“Vaqner” Xüsusi Hərbi Şirkətinin başçısı Yevgeni Priqojin: "Rusiyanın müdafiə naziri Sergey Şoyqu və Silahlı Qüvvələrin Baş Qərargah rəisi Valeri Gerasimov müharibənin gedişi ilə bağlı ölkə rəhbərliyinə yalan məlumatlar verir".
Rusiya prezidenti Vladimir Putin: "Qərb Kiyevi daha çox texnika ilə təmin edə bilər, səfərbərlik ehtiyatı isə məhduddur"