Yeni Azərbaycan Partiyasının (YAP) yeni namizədləri arasında məmurların da adına rast gəlinir. 

İqtisadiyyat.az xəbər verir ki, Qaynarinfo bununla bağlı material hazırlayıb.

Qeyd edilir ki, yeni namizədlərdən Asif Əsgərov, Əli Əhmədov və Mehriban Vəliyeva hazırda dövlət vəzifəsi daşıyır. 

Asif Əsgərov Nəsimi Rayon İcra Hakimiyyətinin başçısı, Əli Əhmədov isə baş nazirin müavinidir. 

Mehriban Vəliyevaya gəlincə, o,  Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyin direktor müavini vəzifəsində çalışır. Bundan əvvəl isə Bakı Şəhər Təhsil İdarəsinin rəhbəri olub.

Xatırladaq ki, sentyabrın 1-nə təyin olunmuş növbədənkənar parlament seçkilərində Yeni Azərbaycan Partiyası (YAP) tərəfindən deputatlığa namizədliyi irəli sürülmüş şəxslərin siyahısı açıqlanıb.