Türk Hava Yolları (THY) 2022-ci ilin yanvar-dekabr dövründə 71,8 milyon sərnişin daşıyıb.
İqtisadiyyat.az xəbər verir ki, THY Mətbuat Xidmətindən verilən məlumata görə, şirkət dekabr ayı sərnişin və yük daşıma nəticələrini açıqlayıb.
2022-ci ilin dekabr ayı trafik nəticələrinin qiymətləndirilməsinə görə, cəmi 5,5 milyon sərnişin daşıyan Türk Hava Yollarının beynəlxalq yük əmsalı yüzdə 81,6, daxili yükləmə əmsalı isə yüzdə 81,3 olub. 2019-cu ilin dekabr ayında daşınan yük və poçtun həcmi 138,4 min ton olduğu halda, 2022-ci ilin eyni dövründə 137,5 min ton olub.
2022-ci ilin yanvar-dekabr aylarında nəqliyyatın nəticələrinin qiymətləndirilməsinə əsasən, daşınan sərnişinlərin sayı 71,8 milyon nəfər olub. Yanvar-dekabr aylarında ümumi sərnişindaşıma əmsalı 80,6 faiz təşkil edib. Beynəlxalq yük əmsalı 80,1 faiz olduğu halda, ölkədaxili yüklənmə əmsalı 85,8 faiz təşkil edib.
Və əlavə edilib ki, 1,7 milyon ton yük daşınıb.
Yanvar-dekabr dövründə tədarük edilən Ümumi Oturacaq Km (AKK) 2019-cu ildə 187,7 milyard ikən, 2022-ci ildə 201,7 milyard olaraq reallaşıb. Ümumi daşınan yük və poçt daşımaları yanvar-dekabr dövründə 2019-cu ilin eyni dövrü ilə müqayisədə 9 faiz artaraq 1,7 milyon ton təşkil edib.
Dekabrın sonuna donanmada olan təyyarələrin sayı 394 olub.
