Tunis sahillərində 13 qeyri-qanuni miqrantın cəsədi tapıldığı halda, 25 miqrant xilas edilib.
İqtisadiyyat.az dünya mətbuatına istinadən xəbər verir ki, bu barədə Tunis Milli Qvardiya Administrasiyası yazılı açıqlama verib.
Açıqlamaya görə, yoxlamalar aparan Hərbi Dəniz Qüvvələri ölkənin cənubundakı Şafaks şəhəri sahillərində 13 immiqrantın cansız cəsədini dənizdən çıxarıb, 25 immiqrantı isə xilas edib.
Qeyri-qanuni miqrantların Saharaaltı Afrika ölkələrinin vətəndaşları olduğu bildirilən açıqlamada, xilas edilən miqrantların məhkəmə prosesi üçün müvafiq bölmələrə sövq edildiyi bildirilib.
Mühacirlərin qaçmasına kömək edən insan qaçaqmalçılığı şəbəkəsinin də məhv edildiyi bildirilib. Beləcə, 5 xarici vətəndaşdan ibarət şəbəkəyə aid 4 min dollar dəyərində maddi vəsait ələ keçirilib.
