PSJ daha bir itki ilə üzləşib.
İqtisadiyyat.az klubun mətbuat xidmətinə istinadən xəbər verir ki, Paris təmsilçisinin yarımmüdafiəçisi Renato Sançes zədələnib.
Əzələsindən zədə alan portuqaliyalı futbolçunun azı 3-4 həftə yaşıl meydanlardan kənarda qalacağı açıqlanıb.
Qeyd edək ki, 25 yaşlı futbolçu bu mövsüm PSJ-də 22 oyuna çıxıb, 2 qol vurub.
Xatırladaq ki, PSJ-də ötən gün müdafiəçi Nordi Mukiele də əməliyyat olunub. O, bu mövsümün sonuna kimi komandaya kömək edə bilməyəcək.