Sentyabrın 7-si saat 11:00-a olan məlumata əsasən ölkə ərazisində axşam saatlarından başlayaraq şimal-qərb küləyi güclənib, bəzi yerlərdə yağış yağıb, Lənkəran-Astara zonasında leysan xarakterli olub.
Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, düşən yağışın miqdarı Lənkəranda 30, Qubada 14, Qusarda 13, Astarada 12, Lerikdə 6, Balakən, Yardımlıda 3, Göytəpədə 2, Şəki, Zaqatala, Kişçay (Şəki), Şabran, Altıağac, İsmayıllı, Xaltan, Qrızda 1 mm-dək olub.
Şimal-qərb küləyi arabir Biləsuvar, Neftçalada 20, Şirvan, Şabran, Xaçmazda 16 m/s-dək güclənib.
Bakıda və Abşeron yarımadasında: Maştağada 25 m/s, Pirallahı, Çilov adası, Neft Daşlarında 20, Sumqayıtda 18 m/s-dək güclənib, Neft daşları stansiyasının məlumatına əsasən dalğanın hündürlüyü 3.5 metrə çatıb.
Ölkə ərazisində müşahidə olunan qeyri-sabit hava şəraiti sentyabrın 8-i gündüz saatlarınadək davam edəcək. Bəzi yerlərdə şimşək çaxacağı, arabir yağış yağacağı gözlənilir.
Yağışın gecə saatlarında Böyük Qafqazın və Lənkəran-Astara zonasının bəzi yerlərində intensiv və güclü olacağı ehtimalı var.
Sabah axşama doğru yağıntılar tədricən kəsiləcək, güclü şimal-qərb küləyi səhər saatlarından tədricən mülayimləşəcək.