Ötən mövsüm Kriştiano Ronaldonun da çıxış etdiyi “Əl Nəsr”i çalışdıran Rudi Qarsiyanın yeni komandası “Napoli” olub.

İqtisadiyyat.az xəbər verir ki, İtaliya A Seriyasında tarixi çempionluq qazanan "Napoli"nin yeni çalışdırıcısı bəlli olub. Mövsümün sonunda Lusiano Spalletti ilə yollarını ayıran "Napoli" Rudi Qarsiyanı baş məşqçi postuna gətirib.

İtaliya klubunun rəsmi Tvitter hesabından edilən paylaşımda, "Rudi Qarsiya Napolinin yeni baş məşqçisidir!

Xoş gəldiniz Rudi!" qeyd edilib.

Bir müddət “Lill”, “Roma”, “Marsel” və “Lion”da çalışan Rudi Qarsiya bununla da Neapolda özünə yeni səhifə açıb.

59 yaşlı fransalı məşqçi son olaraq Səudiyyə Ərəbistanında Kriştianu Ronaldonun çıxış etdiyi “Əl-Nəsr”i çalışdırıb.