Bu gücə Rusiyanın paytaxtı da daxil olmaqla bir sıra bölgələrdə PUA hücumu olub. Moskva və Moskva vilayətinə hücum cəhdi zamanı ən azı 14 PUA hava hücumundan müdafiə qüvvələri tərəfindən vurulub.

İqtisadiyyat.az xəbər verir ki, bu barədə TASS agentliyi məlumat yayıb. Məlumata əsasən Ramenskoye şəhərində PUA hücumu zamanı 9 yaşlı uşaq ölüb. Daha bir nəfər isə yaralanıb.

Moskva meri Sergey Sobyanin saat 02:32-dən etibarən rəsmi “Telegram” kanalında paytaxt istiqamətində hərəkət edən pilotsuz təyyarələrlə bağlı bir sıra məlumatlar paylaşıb.

Moskva vilayətinin qubernatoru Andrey Vorobyov Moskva vaxtı ilə saat 05:23-də hava hücumundan müdafiə qüvvələrinin Podolsk, Ramenskoye, Lyubertsı, Domodedovo və Kolomna rayonlarında 14 pilotsuz təyyarəni vurduğunu bildirib.

PUA hücumları nəticəsində Ramenskoyedə yaşayış binalarına ziyan dəyib. Lyublino rayonunda isə

11-12-ci mərtəbələrdəki mənzillər yanıb. 9 yaşlı uşaq dünyasını dəyişib.

Digər bir PUA isə Ramenskoye şəhərinin Vısokovoltnaya küçəsindəki evə dəyib. Nəticədə 9-cu mərtəbədəki mənzilə ziyan dəyib. Hadisə zamanı bir nəfər yaralanıb.

Paytaxt istiqamıtinə hücum edən PUA-lardan biri də Jukovski hava limanı ərazisinə düşüb. PUA hücumları ilə bağlı Moskvanın Şeremetyevo, Domodedovo və Jukovski hava limanlarında uçuş və eniş reysləri təxirə salınıb və ya ləğv edilib.

Bundan bqşa hava hücumundan müdafiə qüvvələri Bryansk vilayətinin ərazisi üzərində 59 PUA-nın məhv edildiyini açıqlayıb. Regionun rəhbəri Aleksandr Boqomazın “Telegram” kanalında verdiyi məlumata görə, itki və dağıntı yoxdur.

Tula bölgəsi üzərində iki PUA məhv edilib.

Lipetsk vilayətinin başçısı İqor Artamonov məhv edilən pilotsuz təyyarələrin sayını göstərmədən PUA hücumları ilə bağlı məlumat verib.

Kaluqa vilayətində hava hücumundan müdafiə qüvvələri gecə saatlarında Jukovski, Maloyaroslavets və Dzerjinski rayonlarında 7 PUA-nı məhv edib. İlkin məlumatlara görə, tələfat və infrastruktur dağıntıları olmayıb.