Sudanda iyun ayından bəri leysan yağışlar və daşqınlar nəticəsində həyatını itirənlərin sayı 205-ə yüksəlib.
İqtisadiyyat.az xəbər verir ki, bu barədə ölkənin Səhiyyə Nazirliyi məlumat açıqlayıb.
Qeyd edilib ki, ölkədə yağış və daşqınlar nəticəsində xəsarət alanların sayı 886-ya çatıb, 26 mindən çox ev tamamilə, 33 mindən çox ev isə qismən dağılıb .
İyun ayından bu yana ölkədə təsirli olan yağışlar və daşqınlar vəba xəstəliyinin yayılmasına səbəb olub. Sudan hakimiyyəti avqustun 12-də vəba xəstəliyini epidemiya elan edib.
Gözəl Həşimova