İngiltərədə praktikantlar maaşların artırılması tələbi ilə bu səhərdən etibarən beş günlük tətilə başlayıblar. Bu, Milli Səhiyyə Xidmətinin (NHS) tarixində ən uzun tətildir.
İqtisadiyyat.az xəbər verir ki, iyulun 18-i yerli vaxtla saat 07:00-a qədər davam edəcək tətil, Milli Səhiyyə Xidməti (NHS) daxilindəki həkimlərin ən uzun tətili olacaq.
Bu prosesdə minlərlə xidmət ləğv ediləcək və fövqəladə vəziyyətlərə daha yüksək səviyyəli həkimlər müdaxilə edəcək.
Həyati təhlükəsi olan hallarda xəstələr təcili yardım çağıra biləcəklər.
NHS-in baş direktoru Julian Hartley BBC-yə bildirib ki, tətilin əsas fəsadı xəstələr tərəfindən hiss olunacaq.
