Beynəlxalq Cüdo Federasiyası Ulan-Batorda (Monqolustan) keçirilən “Böyük dəbilqə” turnirindən sonra yenilənmiş reytinqi dərc edib.
İqtisadiyyat.Az xəbər verir ki, yarışın bürünc mükafatçısı Yaşar Nəcəfov (66 kq) beş pillə yüksələrək 17-ci pillədə qərarlaşıb. Eyni çəkidəki Orxan Səfərov 14-cü yerdədir.
Hidayət Heydərov (73 kq) hələ də öz çəki dərəcəsində liderlik edir, Zelim Kotsoyev (100 kq) isə 2-ci yerdədir. Səid Mollayi (81 kq) 3-cü, Balabəy Ağayev (60 kq) isə 4-cü pillədə qərarlaşıb.
Qadınlardan Gültac Məmmədəliyeva (52 kq) 17-ci, Leyla Əliyeva (48 kq) isə 38-ci yerdədir.
