İspaniyada 1-ci və 2-ci liqa klublarının bağlı olduğu La Liqa klublara tətbiq etdiyi maliyyə məhdudiyyətləri çərçivəsində 2023-2024-cü il mövsümündə futbolçuların maaşları ilə bağlı klublara tətbiq etdiyi yüksək hədləri açıqlayıb.
İqtisadiyyat.az xəbər verir ki, "Real Madrid" siyahının başında olmağa davam edərkən, ötən mövsüm 683 milyon 460 min avro olan "bənövşəyi-ağlı" komandanın futbolçularına ödənilən ümumi maaş limiti bu mövsüm 727 milyon 425 min avroya yüksəlib.
Ötən mövsüm 648 milyon 820 min avro oyunçu maaşının yuxarı həddinə malik olan "Barselona" bu mövsüm onu təxminən 379 milyon avro azaltmalı olub. La Liqa "Barselona"ya oyunçu maaşları üçün 270 milyon 200 min avro yüksək limit qoyub.
"Barselona"nın yerinə siyahıda ikinci olan "Atletiko Madrid"in yüksək həddi 296 milyon 350 min avrodan 315 milyon 820 min avroya yüksəldilib.
Siyahıda ən aşağı pillədə qərarlaşan klub isə futbolçuları üçün ümumi maaş limiti 31 milyon 270 min avrodan 9 milyon 980 min avroya endirilən "Alaveş" olub.
Siyahının yuxarı və aşağı klubları arasında müqayisə aparıldıqda, "Real Madrid"in oyunçularına ödədiyi ümumi maaşda "Alaveş"dən təxminən 72 dəfə çox üst limitə sahib olduğu görülüb.
